VAMOS A COMPOSTELA!

                                              Foto: López Tuñas

¿Seica nos vamos a Compostela?

Si, camiñemos que é groria vela;

É nosa Roma monumental,

Alí veremos o corpo inteiro

D´o Santo Apostol, que d´o extranxeiro

veñen as xentes ante il a orar.

O tan lembrado vota-fumeiro

de nave a nave voa lixeiro

¡E canto fume votando vai!

Riba unhas andas, vai a cabeza

D´o noso Santo y en cada peza

Leva unha xoya que moito val;

Andan os cregos cubertos d ouro,

N´unha capilla ten un tesouro

Vaya unha pelra de catedral,

Xan non te volvas sin que lle toques

Ó misterioso Santo dos croques

Que n´a portada d´a Groria hay.

Alí veremos moitos conventos,

Moitas eirexas con cen portentos

¡E cantas torres hay n´a ciudá!

Alí á escola ná qu´aprenderon

Tantos ilustres xenios que deron

Á nosa terra nome inmortal.

                                        VALENTÍN LAMAS CARBAJAL