 |
| 1983 |
O povo está empapelado e Gildo Capeáns e Luis Pazos están en buliga. Chegan o día dez os amigos de SERZEDO acompañados polos de Marinha Grande. Pero non é un partido de futbol ocasional e ordinario, non. É a embaixada deportiva do povo portugués que está irmanado-geminado- con Negreira.
Hai 30 anos que o equipo de futbol Veteranos de Negreira comezou a relación con Serzedo, que se foi consolidadando e agrandando nun exemplo de amizade, respeto e convivencia cultural, porque somos todos da familia, irmáns. Cada ano, alternando ambolos dous concellos, retómase a pugna de quen trata mellor a quen. Abrazos, futbol, actos protocolarios, intercambio de agasallos, xantares familiares. A amizade entre os povos en estado puro.
 |
| Veteranos de Negreira en Serzedo |
Os actos de irmanamento non deben quedar en acordos institucionais, por iso se oficializou o que xa era un feito e ese é un mérito que lle debemos as persoas que iniciaron esta convivencia e que ao longo do tempo seguen a mantela. Unha aportación ao que debería ser a construcción da Europa dos povos e das persoas.
En Serzedo, o 25 de agosto de 1990, o Concello de Negreira asinou o protocolo de irmanamento acompañado de case 300 barcaleses; aquelo foi unha festa na que cada un fixo as mellores aportacións da súa música , da súa cultura e do seu futbol.
No ano seguinte o acto repetiuse en Negreira e aínda hoxe, nas noitiñas de verán, parece escoitarse as voces do Grupo de Fados de Coimbra na Praza do Cotón. Aqueles días actuaron os grupos folklóricos e musicais daquí e dacolá , as bandas de música e as pandereiteras, e a convivencia foi todo un derroche de celebracións e amizade. Tamén exposicións na Casa da Cultura na que os nosos irmáns serzedenses amosaron o mellor da súa terra. Logo, durante anos continuaron os intercambios e as visitas familiares en determinadas datas.
O Sr. Martíns, O Dr. Rocha, Aurelio Morais, Xaquín…tantos amigos da outra banda da raia e as súas familias xa están para sempre na memoria de todos nós e seguramente dentro de poucos días algúns deles alegrarannos coa súa presenza. O deporte non é só un agarimo para o corpo e a mente, tamén como neste caso un exemplo de convivencia, respeto e amizade, os mellores lazos para xunguir as persoas e aos povos.
En Negreira diversas asociacións veciñais están a realizar un importante labor no campo deportivo e a súa incidencia social e educativa entre os nosos xóvenes é innegable. Tamén o fútbol veterano, despois de tantos anos, segue ahí presente . Sería bo que se retomara de novo ese compromiso municipal asinado hai tanto tempo entre Negreira e Serzedo e a relación se extendera tamén a outros campos pois as dúas comunidades teñen moito que aportar. Resultaría sen dúbida beneficioso para todos.
Estamos seguros que o encontro cos amigos portugueses do día 10 vai ser toda unha festa. Vaia tamén a nosa felicitación para os promotores.
ALBUM
 | |||
| Visita as adegas de O Porto |
 |
| Recepción no Concello de Negreira |
 |
| Sinatura do Irmanamento en Negreira-1991 |
 |
| Mulleres de Serzedo tecendo o escudo de Negreira que preside o Salón de Plenos |
 |
| Gildo Capeáns cos amigos de Serzedo |
 |
| O Dr.Rocha, Alcalde de Serzedo, con Miriam e Conchita |
 |
| Chegando a Serzedo |
